УСТАЛЁЎКА

1. Перад усталёўкай праграмы праверкі арфаграфіі беларускай мовы "Літара 1.0" пераканайцеся ў тым, што на Вашым кампутары:

сучасны
клясічны

- на жорсткім сістэмным дыску ёсць не меней за 150 Мб вольнага месца;
- усталяваны офісны пакет Microsoft Office 2000 (і вышэй);
- аперацыйная сістэма падтрымлівае кірылічныя шрыфты (АС Windows 9x, Me усталяваныя з функцыяй шматмоўнай падтрымкі). Калі гэта не так, усталюйце гэтую функцыю дадаткова, скарыстаўшыся ўсталёвачным дыскам, з якога ўсталёўвалася аперацыйная сістэма;
- выкарыстаны па змаўчанні шрыфт падтрымлівае кірылічную графіку (кірыліцу).

2. Перад усталёўкай праграмы ўважліва вывучыце матэрыял HELP-файла, які ўваходзіць ва ўсталёвачны пакет.

3. Для ўсталёўкі праграмы запусціце ўсталёвачную праграму Litara.exe. На экране з'явіцца індыкатарная панэль з лічыльнікам. Лічыльнік павінен здзейсніць два цыклы, пасля чаго з'явіцца паведамленне "setup completed". Пацвердзіце завяршэнне працэсу ўсталёўкі, націснуўшы кнопку "close".
Увага: у залежнасці ад хуткадзейнасці Вашага кампутара працэс усталёўкі можа доўжыцца да 15-30 хвілін.

НАЛАДА І ПРАЦА З ПРАГРАМАЙ ПРАВЕРКІ АРФАГРАФІІ

Налада праграмы ажыццяўляецца ў адпаведнасці з працэдурамі (як і для любой іншай падтрымліваемай мовы, напрыклад, рускай), якія выкладзены ў раздзеле дапамогі стандартнага офіснага пакета. Ніжэй прыводзіцца экстракт з файлаў дапамогі стандартнага офіснага пакета.

Праверка раней створанага тэкставага дакумента з падкрэсленнем слоў з памылкамі:

- вызначыце мову дакумента. Вылучыце ўвесь тэкст. Адчыніце панэль "сэрвіс"=> "мова" =>"вылучыць мову" і вызначце мову "беларуская". Сцяжок у графе "не правяраць арфаграфію" неабходна зняць.

- усталюйце функцыю аўтаматычнай праверкі арфаграфіі. Для гэтага адчыніце панэль "сэрвіс" => "параметры" і пастаўце сцяжок у графе "аўтаматычна правяраць арфаграфію", у графе "не вылучаць словы з памылкамі" сцяжок павінен быць зняты.

- здзейсніце любое дзеянне з дакументам, напрыклад, увядзіце прабел, знак абзаца і г.д., для таго каб ініцыяваць функцыю падкрэслення слоў з памылкамі чырвонай хвалістай лініяй, або націсніце клавішу F7, для таго каб выклікаць дыялогавае акно.

Праверка ствараемага дакумента:

- пераключыцеся на беларускую раскладку клавіятуры
- усталюйце функцыю аўтаматычнай праверкі арфаграфіі. Для гэтага адчыніце панэль "сэрвіс" => "параметры" і пастаўце сцяжок у графе "аўтаматычна правяраць арфаграфію", у графе "не вылучаць словы з памылкамі" сцяжок павінен быць зняты.

Праверка дакумента з вялікай колькасцю памылак.

Пры праверцы такіх дакументаў незалежна ад мовы дакумента стандартны офісны пакет перыядычна адключае функцыю падкрэслення слоў з памылкамі і прапаноўвае скарыстацца дыялогавым акном. Для ўзнаўлення рэжыму каляровай індыкацыі памылак неабходна паўтарыць працэдуру выбару мовы дакумента, як апісана вышэй.

НЕКАТОРЫЯ АСАБЛІВАСЦІ ВЫКАРЫСТАННЯ ПРАГРАМЫ ДЛЯ ПРАВЕРКІ ТЭКСТАЎ

Апостраф

У некаторых тэкстах для пазначэння апострафа могуць выкарыстоўвацца сімвалы, якія не падтрымліваюцца праграмай праверкі беларускай арфаграфіі, як ` (код 96) '(код 145, кірылічны апостраф, пераўтвораны рэдактарам Word функцыяй аўтафармату) замест неабходнага знака ' (код 27). Для бездакорнай працы праграмы праверкі падлеглы праверцы дакумент неабходна выправіць, замяніўшы непадыходзячыя сімвалы на неабходныя. Для гэтага скарыстайцеся панэллю "праўка" => "знайсці" => "замяніць на". (Гл. таксама адпаведны раздзел у файле дапамогі).

Лацінскія літары ў беларускамоўных тэкстах

Выкарыстанне лацінскіх літар "I, i, C, c, X, x, O, o, E,e, T, P. p, A, a, H, h, K, B, M" замест графічна падобных літар беларускага алфавіту ў тэкстах, якія правяраюцца, недапушчальна. Калі ў ходзе праверкі тэкстаў выявіцца наяўнасць такіх "несапраўдных" беларускіх літар, то ў дакуменце неабходна зрабіць выпраўленні, скарыстаўшыся панэллю "праўка" => "знайсці" => "замяніць на".

Заўвагі і прапановы наконт праграмы просім накіроўваць на адрас: belspelling@yandex.ru